لاہور (پنجاب پوسٹ) خواتین اور کم عمر لڑکیوں سے جنسی زیادتی کے واقعات سامنے آئے ہیں۔ ہیئر کے علاقے میں سابق شوہر چاند مسیح نے اپنی سابقہ بیوی کو دوبارہ شادی کرنے کے بہانے بلوا کر جنسی درندگی کا نشانہ بنا ڈالا، جس کا مقدمہ درج کر لیا گیا۔
نواں کوٹ کے علاقے میں عبداللہ نامی اوباش نے 16 سالہ لڑکی سے جنسی زیادتی کی کوشش کی، جس پر پولیس نے مقدمہ درج کرلیا۔
ساندہ کے علاقے میں اوباش نوجوان شہزاد گل نے 13 سالہ لڑکی کی فحش تصاویر بنا کر اسے بلیک میل کیا اور جنسی زیادتی کی کوشش کی۔ واقعے کا مقدمہ درج کرلیا گیا۔
یہ بھی پڑھیں: غیر اخلاقی سرگرمیوں میں ملوث 6 خواتین سمیت 2 افراد گرفتار
ہنجر وال کے علاقے میں فیصل نامی ملزم نے 10 سالہ بچی سے جنسی زیادتی کی کوشش کی، جس کا مقدمہ بھی درج کرلیا گیا۔
پولیس کے مطابق تمام واقعات کے مقدمات درج کرکے تحقیقات شروع کر دی گئی ہیں۔
