وزیر اعلیٰ پنجاب کی ہدایات پر 13 روز میں پنجاب پولیس کے 791 اہلکار پکڑے گئے ،کیا سزائیں دی گئیں ؟

لاہور(پنجاب پوسٹ)وزیر اطلاعات پنجاب عظمیٰ بخاری نے کہا ہے کہ وزیراعلیٰ پنجاب مریم نواز کی ہدایت پر صوبے میں کرپشن اور کرپٹ سرکاری ملازمین کے خلاف کارروائی کا سلسلہ جاری ہے، پنجاب کے سرکاری اداروں اور پولیس میں بدعنوان عناصر کے خلاف سخت ایکشن لیا جا رہا ہے۔
عظمیٰ بخاری کے مطابق گزشتہ 13 دنوں کے دوران پنجاب پولیس کے 791 افسران و اہلکاروں کے خلاف کرپشن پر کارروائی کی گئی۔ 78 اہلکاروں کو نوکری سے برخاست، 60 کو معطل اور 230 کو لائن حاضر کیا گیا، جبکہ 79 اہلکاروں کے رینک میں تنزلی اور گرفتاری عمل میں لائی گئی۔

یہ بھی پڑھیں:ایف آئی اے اینٹی کرپشن سرکل لاہور کی کاروائیاں، فراڈ اور کرپشن میں ملوث سرکاری ملازم سمیت 2 ملزمان گرفتار

وزیر اطلاعات نے بتایا کہ 274 اہلکاروں کے خلاف انکوائریاں جاری ہیں جبکہ 70 اہلکاروں کے خلاف کریمنل مقدمات درج کیے جا چکے ہیں۔ ان کا کہنا تھا کہ کرپشن کے معاملے پر وزیراعلیٰ پنجاب کی زیرو ٹالرنس پالیسی ہے اور پنجاب میں کرپشن و کرپٹ عناصر کے لیے کوئی جگہ نہیں۔
عظمیٰ بخاری نے کرپٹ سرکاری اہلکاروں کے خلاف شکایات کرنے والے شہریوں کا شکریہ ادا کرتے ہوئے کہا کہ پنجاب کو کرپشن سے مکمل پاک کرنا مریم نواز کا مشن ہے۔

یہ بھی پڑھیں:ٹیکنالوجی میں جدت ،8 ماہ میں 826 اشتہاری ، 202 مفرور گرفتار ، نئے سوفٹ ویئر مجرموں کو پکڑنے میں پولیس کی مدد کیسے کر رہے ہیں ؟