جماعت اسلامی اور حکومت کے درمیان مذاکرات کا دوسرا دور، حکومتی ٹیم آج تجاویز کا جواب دے گی

اسلام آباد (پنجاب پوسٹ) جماعت اسلامی اور حکومت کے درمیان مذاکرات کا دوسرا دور آج پنجاب ہاؤس اسلام آباد میں جاری ہے، جماعت اسلامی کا وفد لیاقت بلوچ کی قیادت میں پنجاب ہاؤس پہنچ گیا۔

جماعت اسلامی کے وفد میں سید فراست شاہ، نصراللہ رندھاوا، عنایت اللہ خان، ضیاءالدین انصاری ایڈووکیٹ اور نوید علی بیگ شامل ہیں۔

یہ بھی پڑھیں: پیپلزپارٹی نوکریاں دیتی ہے ، دیگر جماعتیں نوکریوں سے نکالتی ہیں ، عوام کا چولہا ٹھنڈا کرنے کی بجائے امیروں کو پکڑا جائے، گورنر پنجاب کا مطالبہ

حکومتی مذاکراتی ٹیم کی قیادت وفاقی وزیر منصوبہ بندی احسن اقبال کر رہے ہیں، جبکہ حکومتی ٹیم میں رانا ثناءاللہ خان، علی پرویز ملک اور بلال اظہر کیانی شامل ہیں۔

مذاکرات کے دوسرے دور میں حکومت آج جماعت اسلامی کی جانب سے پیش کی گئی تجاویز کا جواب دے گی۔ جماعت اسلامی کی جانب سے پٹرولیم لیوی کے خلاف ملک بھر میں دھرنے بھی جاری ہیں۔