لاہور(پنجاب پوسٹ) صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے پی ڈی ایم اے ہیڈ آفس میں صوبائی ایمرجنسی سنٹر کا دورہ کیا، جہاں ڈی جی پی ڈی ایم اے محمد سیف انور جپہ نے انہیں مون سون سیزن اور دریاؤں میں پانی کے بہاؤ سے متعلق تازہ صورتحال پر بریفنگ دی۔
خواجہ سلمان رفیق نے کہا کہ وزیراعلیٰ پنجاب کے ویژن کے تحت صوبے کو سیلاب کے خطرات سے محفوظ بنانے کیلئے مؤثر اقدامات کیے جا رہے ہیں۔ دریاؤں میں پانی کا بہاؤ اس وقت معمول کے مطابق ہے جبکہ صوبائی انتظامیہ کسی بھی ہنگامی صورتحال سے نمٹنے کیلئے پوری طرح تیار ہے۔
انہوں نے کہا کہ ریسکیو اداروں کو اربوں روپے کی لاگت سے جدید آلات سے آراستہ کیا گیا ہے، جبکہ پری ڈیزاسٹر اور پوسٹ ڈیزاسٹر میکانزم کو مزید مؤثر بنایا جا رہا ہے۔
