لاہور(پنجاب پوسٹ) سیشن کورٹ میں پی ٹی آئی رہنما عبداللہ طاہر قتل کیس میں اہم پیش رفت سامنے آئی ہے۔ قتل میں سہولت کاری کے الزام میں گرفتار ٹک ٹاکر لاریب شہزادی کی بعد از گرفتاری درخواست ضمانت پر آج سماعت ہوگی۔
ایڈیشنل اینڈ سیشن جج محمد یوسف ملزمہ لاریب شہزادی کی درخواست ضمانت پر سماعت کریں گے، جبکہ ملزمہ کی جانب سے ایڈووکیٹ محمد اظہر میو عدالت میں پیش ہوں گے۔
یہ بھی پڑھیں:پنجاب بھر میں 8 ماہ میں 98 ہزار 895 آپریشن ، کتنے افراد گرفتار ہوئے؟ کتنوں کو سزا ہوئی؟
درخواست میں مؤقف اختیار کیا گیا ہے کہ گلبرگ کے علاقے میں واقع نجی کلینک میں پی ٹی آئی رہنما عبداللہ طاہر کو شوٹر نے قتل کیا تھا، تاہم لاریب شہزادی کا اس قتل سے کوئی تعلق نہیں۔
درخواست میں عدالت سے استدعا کی گئی ہے کہ ملزمہ لاریب شہزادی کی بعد از گرفتاری ضمانت منظور کی جائے۔
