سیالکوٹ میں منشیات فروشی کا انوکھا طریقہ کار، نشہ آور اشیا شہر میں کیسے لائی جارہی تھیں؟

سیالکوٹ(پنجاب پوسٹ)پولیس نے منشیات فروشوں کے خلاف کارروائی کرتے ہوئے بین الاضلاعی منشیات فروش کو گرفتار کر لیا، ملزم کے قبضے سے 17 کلو 360 گرام چرس برآمد کر کے مقدمہ درج کر لیا گیا۔

ڈی پی او سیالکوٹ کیپٹن ریٹائرڈ دوست محمد کی سربراہی میں وزیراعلیٰ پنجاب مریم نواز شریف کے وژن ’’ڈرگ فری پنجاب‘‘ کے تحت منشیات فروشوں کے خلاف کارروائیاں تیز کر دی گئی ہیں۔ اسی سلسلے میں ڈی ایس پی صدر سرکل رانا ندیم طارق کی نگرانی اور ایس ایچ او تھانہ صدر سب انسپکٹر ڈاکٹر عادل مصطفیٰ کی قیادت میں پولیس نے خفیہ اطلاع پر انٹیلیجنس بیسڈ کارروائی کی۔

کارروائی کے دوران پولیس نے منشیات فروشی میں ملوث بین الاضلاعی منشیات فروش محمد بلال ولد ناظر حسین کو گرفتار کیا، جو پڑتانوالی کا رہائشی بتایا گیا ہے۔ پولیس کے مطابق ملزم کے قبضے سے بھاری مقدار میں چرس برآمد ہوئی، جس پر اس کے خلاف مقدمہ درج کر کے مزید تفتیش شروع کر دی گئی۔

یہ بھی پڑھیں:جھگیوں میں اسلحہ، خانہ بدوشوں کی پرانی دشمنی تین خواتین کی جان لی گئی، کم سن بچی کے چہرے پر بھی گولیاں ماری گئیں

ابتدائی تفتیش میں پولیس کے مطابق ملزم دیگر اضلاع سے منشیات لا کر سیالکوٹ کے مختلف علاقوں میں سپلائی کرتا تھا۔ پولیس کا کہنا ہے کہ ملزم کی گرفتاری اور بھاری مقدار میں منشیات کی برآمدگی سے مقامی سپلائی چین توڑنے میں اہم پیش رفت ہوئی ہے، جبکہ نیٹ ورک میں شامل دیگر عناصر کی گرفتاری کے لیے بھی کارروائی جاری ہے۔

ڈی پی او سیالکوٹ کیپٹن ریٹائرڈ دوست محمد نے کہا ہے کہ منشیات کے مکمل خاتمے اور نوجوان نسل کو اس لعنت سے محفوظ رکھنے کے لیے منشیات فروشوں کے خلاف کارروائیاں بلاامتیاز اور بلا تعطل جاری رہیں گی۔