لاہور (پنجاب پوسٹ) فیصل آباد میں تھانہ منصور آباد پولیس نے بروقت کارروائی کرتے ہوئے شادی شدہ خاتون کو فون پر ہراساں کرنے اور دھمکیاں دینے والے ملزم کو گرفتار کر لیا۔
پولیس ترجمان کے مطابق، ملزم عمر نامی شخص عائشہ نامی شادی شدہ خاتون کو ناپسندیدہ و ناجائز تعلقات قائم کرنے کے لیے فون کالز کے ذریعے ہراساں کر رہا تھا اور منع کرنے پر سنگین نتائج کی دھمکیاں دیتا تھا۔
یہ بھی پڑھیں: ننکانہ صاحب کے شہری بھی پہلوانوں کے نقش قدم پر، بچے اور جوان میدان میں نکل آئے
متاثرہ خاتون کی شکایت پر ایس ایچ او منصور آباد توقیر اختر نے فوری و مؤثر کارروائی کرتے ہوئے ملزم عمر کو گرفتار کر کے اس کے خلاف قانونی کارروائی کا آغاز کر دیا ہے۔
اس موقع پر سی پی او فیصل آباد نے واضح کیا کہ وزرائے اعلیٰ پنجاب کے ویژن کے مطابق خواتین کے حقوق اور ان کی عزت و ناموس کا تحفظ فیصل آباد پولیس کی اولین ترجیح ہے۔ انہوں نے کہا کہ خواتین کو ہراساں کرنے اور ان کی عزت نفس مجروح کرنے والے عناصر کے خلاف زیرو ٹالرنس پالیسی کے تحت بلا تفریق سخت ترین قانونی کارروائی عمل میں لائی جائے گی۔
