لاہور (پنجاب پوسٹ) کامن ویلتھ گیمز گلاسگو میں پاکستان کے لیے واحد میڈل جیتنے والی باکسر فاطمہ زہرا وطن واپس پہنچ گئیں، جہاں لاہور ایئرپورٹ پر ان کا والہانہ استقبال کیا گیا۔ پاکستان باکسنگ فیڈریشن، پنجاب باکسنگ ایسوسی ایشن کے عہدیداران، سابق قومی باکسرز اور مختلف باکسنگ کلبز کے ارکان نے ان کا پرتپاک خیرمقدم کیا۔
فاطمہ زہرا نے کامن ویلتھ گیمز کی 60 کلوگرام باکسنگ کیٹیگری میں برونز میڈل جیت کر پاکستان کا واحد تمغہ اپنے نام کیا، جبکہ وہ ان گیمز میں پاکستان کی جانب سے میڈل جیتنے والی واحد خاتون اتھلیٹ بھی رہیں۔ واضح رہے کہ فاطمہ زہرا سیمی فائنل میں کینیڈا کی باکسر کے ہاتھوں شکست کے بعد برونز میڈل کی حقدار قرار پائیں، اور ان کی کامیابی کو پاکستانی کھیلوں کے لیے ایک اہم اعزاز قرار دیا جا رہا ہے۔
