لاہور (پنجاب پوسٹ) روٹی کی قیمت 25 روپے مقرر کرنے کی تجویز سامنے آگئی۔ اس حوالے سے متحدہ نان روٹی ایمپلوئیز یونین، ڈسٹرکٹ لاہور کا اجلاس منعقد ہوا، جس میں یونین کے صدر، چیئرمین، جنرل سیکرٹری، نائب صدر اور دیگر عہدیداروں نے شرکت کی۔
اجلاس میں کہا گیا کہ موجودہ مہنگائی، آٹا، گیس، بجلی، تیل، کرایوں اور مزدوری سمیت پیداواری اخراجات میں مسلسل اضافے کے باعث موجودہ نرخ پر روٹی کی فروخت ممکن نہیں رہی۔
مزید پڑھیں: کیا پنجاب میں آٹے کی قلت کا خدشہ ختم ہو گیا؟ حکومت کا سپلائی معمول پر ہونے کا دعویٰ
قرارداد میں حکومت سے مطالبہ کیا گیا کہ روٹی کی قیمت 25 روپے مقرر کی جائے تاکہ نان بائی برادری کو درپیش مالی مشکلات کا ازالہ ہو سکے۔ شرکاء کا کہنا تھا کہ اگر حکومت اس تجویز پر فوری طور پر نوٹس نہیں لے گی تو تندور مالکان اپنی دکانیں بند کرنے پر مجبور ہو جائیں گے۔
