پاکستان میں ایک کروڑ ستر لاکھ سے زائد افراد گردوں کی بیماریوں کا شکار ہیں، پروفیسر ڈاکٹر فاروق افضل

لاہور(پنجاب پوسٹ)لاہور جنرل ہسپتال میں عالمی یومِ گردہ کے موقع پر پرنسپل امیر الدین میڈیکل کالج پروفیسر ڈاکٹر فاروق افضل کی قیادت میں آگاہی واک کا انعقاد ہوا۔شرکاء نے ہاتھوں میں بینرز تھامے واک کی، بیماری کے تشخیص و علاج پر تبادلہ خیال کیا۔پروفیسر آف نیفرالوجی ڈاکٹر عباد الرحمٰن، پروفیسر احسن چیمہ، پروفیسر فائزہ اطہر، ڈاکٹر یاسر حسین، ڈاکٹر روشینہ انجم  شریک ہوئے ۔ ڈاکٹر ساجد اقبال، ڈاکٹر سائزہ ذیشان، ڈاکٹر عبدالعزیز، ڈاکٹر محمد مقصود سمیت دیگر نے شرکت کی ۔ پروفیسر فاروق افضل کے مطابق گردوں کے امراض سے بچاؤ کیلئے زیادہ پانی پینا اور سیلف میڈیکیشن سے گریز ضروری ہے ۔ معمولی بیماری میں بھی ڈاکٹر کے مشورے کے بغیر ادویات کا استعمال گردوں کیلئے نقصان دہ ہو سکتا ہے، پروفیسر ڈاکٹر فاروق افضل  کے مطابق دنیا بھر میں تقریباً 85 کروڑ افراد گردوں کے امراض میں مبتلا ہیں۔پاکستان میں ایک کروڑ ستر لاکھ سے زائد افراد گردوں کی بیماریوں کا شکار ہیں، ڈاکٹر فاروق افضل  کے مطابق لاہور جنرل ہسپتال میں گردے کی پتھری کے علاج کیلئے جدید لیزر ٹیکنالوجی (RIRS) متعارف کروا دی گئی ہے،جنرل ہسپتال میں ڈائلیسیز کی مشینری اور بہترین علاج موجود ہے،جنرل ہسپتال عرصہ دراز سے گردوں کی بیماری میں مبتلا مریضوں کو بہترین علاج معالجہ فراہم کر رہا ہے