گورنر ہاوس عوامی مرکز ، بلاول کو وزیر اعظم بنائیں گے ، گورنر پنجاب

لاہور(پنجاب پوسٹ )گورنر پنجاب سردار سلیم حیدر خان سےگورنر ہاوس لاہور میں  سینیر پارٹی رہنماوں نے ملاقات کی ہے ، پارٹی رہنماوں سے گفتگو کرتے ہوئے گورنر پنجاب کا کہنا تھا کہ  پیپلز پارٹی غریبوں، مزدوروں اور عام آدمی کی پارٹی ہے۔گورنر ہاوس لاہور کو عوامی فلاح کا مرکز بنایا ہے جس  کے دروازے ہر خاص و عام کے لیے کھلے ہیں۔عوام کے ووٹ کی طاقت سے آئندہ الیکشن میں بلاول بھٹوزرداری کو ملک کا وزیراعظم بنائیں گے. سردار سلیم حیدر خان کا کہنا تھا کہ قوم کو خطے میں جنگی صورتحال کے تناظر میں پیدا ہونے والی مشکلات کا متحد ہو کر مقابلہ کرنا ہے۔ سینیئر رہنماؤں نے کہا کہ گورنر پنجاب کی دن رات محنت سے پیپلز پارٹی پنجاب میں مقبول ہو رہی ہے۔