پنجاب پولیس کے جوان نے اپنے ہی محکمہ کی لیڈی کانسٹیبل کو چونا لگا دیا

لاہو(پنجاب پوسٹ)لاہور میں پنجاب پولیس کے ایک اہلکار کے خلاف خود کو کنوارہ ظاہر کرکے لیڈی کانسٹیبل سے شادی کرنے کے الزام میں مقدمہ درج کر لیا گیا۔
ایف آئی آر کے مطابق لیڈی کانسٹیبل نمرہ صادق کو چوکی چلڈرن اسپتال میں تعینات کانسٹیبل احمد ایاز نے خود کو غیر شادی شدہ ظاہر کرتے ہوئے شادی کی خواہش ظاہر کی۔ مدعیہ کے مطابق اس نے احمد ایاز کی باتوں پر یقین کرتے ہوئے سال 2024 میں اس سے شادی کر لی۔
درخواست گزار نے مؤقف اختیار کیا کہ شادی کے بعد ان کے ہاں ایک بیٹے کی پیدائش بھی ہوئی، تاہم بعد میں معلوم ہوا کہ احمد ایاز پہلے سے شادی شدہ ہے اور اس کے پہلے سے بچے بھی موجود ہیں۔
پولیس کے مطابق تھانہ کوٹ لکھپت میں کانسٹیبل احمد ایاز، گوہان اور نکاح خواں امتیاز سرور کے خلاف دھوکہ دہی اور حقائق چھپانے کی دفعات 420 اور 495 کے تحت مقدمہ درج کر کے تحقیقات کا آغاز کر دیا گیا