بہاولنگر(پنجاب پوسٹ) منچن آباد میں8 کنال ملکیتی اراضی پر ناجائز قبضے کے معاملے کا فیصلہ سنا دیا گیا.ٹربیونل کورٹ نے قانونی تقاضوں اور دستیاب ریکارڈ کا جائزہ لینے کے بعد فیصلہ سنایا کہ 8 کنال اراضی ناجائز قابضین سے وا گزار کروا کر اصل مالکہ شاہدہ کوثر کے حوالے کر دی جائے۔

چیف جسٹس لاہور ہائیکورٹ کی جانب سے مقررہ ایک ماہ کی مدت کے اندر مقدمے کا فیصلہ کیا گیا۔عدالتی فیصلے کو بروقت انصاف کی فراہمی کے حوالے سے اہم پیش رفت قرار دیا جا رہا ہے۔فیصلے سے خواتین سمیت تمام شہریوں کے جائیداد کے قانونی حقوق کے تحفظ کو تقویت ملے گی۔
ٹربیونل کورٹ کا فیصلہ،حق دار کو ملکیتی اراضی واپس دلانے کی جانب اہم اقدام ہے۔










