لاہور (پنجاب پوسٹ) موٹروے پر بابو صابو انٹرچینج کے قریب حادثے میں 15 سالہ بچی جاں بحق ہوگئی۔ پولیس کے مطابق بچی کی تاحال شناخت نہیں ہوسکی۔ موٹروے پولیس اہلکار بچی کو تشویشناک حالت میں اسپتال منتقل کیا، جہاں وہ دورانِ علاج زخموں کی تاب نہ لاتے ہوئے دم توڑ گئی۔
پولیس ذرائع کے مطابق بچی کے ساتھ مبینہ جنسی زیادتی کا بھی شبہ ہے، تاہم اس حوالے سے حتمی تصدیق پوسٹ مارٹم رپورٹ کے بعد ہوگی۔ بچی کی لاش پوسٹ مارٹم کے لیے مردہ خانے منتقل کر دی گئی ہے۔
پولیس نے بچی کی شناخت اور لواحقین کی تلاش کے لیے خصوصی ٹیم تشکیل دے دی ہے۔ قریبی آبادیوں میں بچی کی تصاویر دکھا کر اہلِ خانہ کا سراغ لگانے کی کوششیں جاری ہیں۔











