لاہور: مشیر وزیراعلیٰ پنجاب علی ڈار کی لاہور میں گوگل اور ٹیک ویلی کے زیر اہتمام ڈیجیٹل صحافت امپیکٹ ایونٹ میں شرکت اور خطاب

لاہور (پنجاب پوسٹ) علی ڈار کے مطابق مریم نواز شریف کی قیادت میں ڈھائی سال کے دوران پنجاب میں ہماری حکومت نے اپنا لوہا منوایا ہے۔ہمارے ناقدین بھی قائل ہیں کہ وزیراعلیٰ مریم نواز شریف کی حکومت کی کارکردگی کا پاکستان بھر میں کوئی ثانی نہیں۔

علی ڈار

ڈیجیٹل صحافت پروگرام کے تحت اب تک پاکستان بھر میں 4 ہزار سے زائد صحافیوں اور طلبہ کو تربیت فراہم کی جا چکی ہے۔مصنوعی ذہانت کے دور میں صحافت کا سب سے بڑا چیلنج، سچائی اور عوامی اعتماد کو برقرار رکھنا ہے۔جب ویڈیوز جعلی بنائی جا سکتی ہوں اور آواز کی نقل ممکن ہو تو صحافی کی سب سے اہم مہارت خبر کی تصدیق اور سچائی کی پہچان ہے۔

یہ بھی پڑھیں:ای کامرس ایجنسی اور سافٹ ویئر کمپنی کے درمیان ٹیکنالوجی، اے آئی ٹولز اور ڈیجیٹل مارکیٹنگ کے شعبے میں مفاہمتی یادداشت پر دستخط

ڈیجیٹل صحافت پروگرام نے صحافیوں کو خبر کی تصدیق اور اے آئی کے جدید ٹولز تک رسائی فراہم کی ہے۔وزیراعلیٰ مریم نواز شریف کا وژن ہے کہ 2029 تک پنجاب کو جنوبی ایشیا کا نمایاں اے آئی سے ہم آہنگ صوبہ بنایا جائے۔

اے آئی صرف ٹیکنالوجی کا نام نہیں، اس سے بھرپور فائدہ اٹھانے کے لیے تربیت، مہارت اور اعتماد بنیادی اہمیت رکھتے ہیں۔اے آئی ایک طاقتور قلم ضرور ہے، لیکن سچ اور جھوٹ کا فیصلہ ہمیشہ صحافی کی اپنی اقدار اور پیشہ ورانہ دیانت داری نے کرنا ہے۔

یہ بھی پڑھیں:لاہور بورڈ میں امتحانی نظام ڈیجیٹل بنانے کی تیاری، ای شیٹس اور ڈیجیٹل حاضری متعارف کرانے کا جائزہ