سرگودھا (پنجاب پوسٹ) تعلیمی بورڈ کے زیر اہتمام گرلز انٹر کالجیٹ بیڈمنٹن ٹورنامنٹ کا انعقاد ہوا، جس میں پانچ کالجز کی ٹیموں نے حصہ لیا۔گرلز انٹر کالجیٹ بیڈمنٹن ٹورنامنٹ گورنمنٹ وومن گریجویٹ کالج فاروق کالونی سرگودھا میں ہوا۔
مقابلے میں پہلی پوزیشن وومن سپیریئر کالج سرگودھا نے حاصل کی، دوسری ریڈر کالج اور تیسری میزبان کالج فاروق کالونی نے حاصل کی۔مہمان خصوصی پرنسپل میڈم منتہا جاوید تھیں، جن کا استقبال ڈائریکٹر سپورٹس چوہدری محمد انیس صادق گجر اور محمد وقاص بٹ نے کیا۔
ڈائریکٹر سپورٹس نے کہا کہ چیئرمین عباس حیدر گوندل اور سیکرٹری عروج مبشر چیمہ کی سرپرستی میں کھیلوں کے فروغ کے لیے بھرپور اقدامات جاری ہیں۔
