لاہور(پنجاب پوسٹ) پنجاب کی سینئر وزیر مریم اورنگزیب نے آئندہ چند دنوں میں صوبے میں اسموگ کی شدت بڑھنے کا خدشہ ظاہر کر دیا ہے۔ سموگ کے خاتمے کے لیے اربوں روپے کے بجٹ اور بلند بانگ دعوؤں کے باوجود ان کا یہ بیان سامنے آیا ہے، جس میں انہوں نے فضائی آلودگی میں متوقع اضافے کی ذمہ داری سرحد پار آتش بازی پر ڈال دی ہے۔ ناقدین کے مطابق اس بیان سے یہ تاثر ملتا ہے کہ حکومت نے صورتحال کے سامنے ہاتھ کھڑے کر دیے ہیں۔
سرحد پار آتش بازی کے اثرات
سینئر وزیر نے اپنے بیان میں کہا کہ سرحد پار آتش بازی کے باریک ذرات فضائی آلودگی میں اضافہ کر سکتے ہیں۔ ان کے مطابق آئندہ چند دنوں میں اسموگ کی شدت بڑھنے کا امکان ہے۔
اسموگ گنز آپریشن میں تیزی
مریم اورنگزیب نے بتایا کہ اسموگ کے تدارک کے لیے کارروائیاں مزید تیز کر دی گئی ہیں۔ بھارت سے ملحق مشرقی کوریڈور کے قریب اسموگ گنز کا آپریشن بھی مزید تیز کر دیا گیا ہے۔
اسموگ گنز آپریشن میں تیزی
انہوں نے کہا کہ مقامی آلودگی کے ذرائع پر قابو پانے کے لیے عوام حکومت کا ساتھ دیں۔ انہوں نے زور دیا کہ فصلوں کی باقیات، خصوصاً دھان کے مڈھ جلانے سے گریز کیا جائے۔
کوڑا کرکٹ جلانے پر پابندی
سینئر وزیر کا کہنا تھا کہ کوڑا، پلاسٹک اور دیگر فضلہ کھلے عام جلانے پر پابندی کو یقینی بنایا جائے۔
گاڑیوں کا دھواں اور فٹنس
مریم اورنگزیب نے کہا کہ اسموگ میں کمی کے لیے گاڑیوں کے دھوئیں اور مضر اخراج پر کنٹرول ضروری ہے۔ ان کے مطابق گاڑیوں کی فٹنس اور اخراج کے معیار پر سختی سے عمل کیا جائے۔
