لاہور (پنجاب پوسٹ) رنگ محل پولیس نے کارروائی کرتے ہوئے ممنوعہ سگریٹ کی سپلائی اور زہریلی شراب کے کاروبار میں ملوث دو ملزمان کو گرفتار کر لیا۔
پولیس کے مطابق ملزم شبیر کے قبضے سے ممنوعہ برانڈ کی 6 ہزار سگریٹ کی ڈبیاں برآمد کی گئیں۔ ملزم سگریٹ کی سپلائی لے کر جا رہا تھا کہ پولیس نے اسے گرفتار کر لیا۔
یہ بھی پڑھیں: لاہور ہائیکورٹ نے دھوکہ دہی کے ملزم کی نظر ثانی اپیل نمٹا دی، کاٹی گئی سزا کافی قرار
دوسری کارروائی کے دوران ملزم عرفان کو گرفتار کرکے اس کے قبضے سے 30 لیٹر دیسی زہریلی شراب برآمد کر لی گئی۔ ملزم مبینہ طور پر پولیس سے بچنے کے لیے نیلی گیلن میں شراب منتقل کرتا تھا۔
پولیس نے دونوں ملزمان کے خلاف مقدمات درج کرکے مزید تحقیقات کا آغاز کر دیا ہے۔
ایس پی سٹی ارشد حیات کانجو کا کہنا ہے کہ انسدادِ جرائم کے حوالے سے کڑی نگرانی کی جا رہی ہے اور جرائم پیشہ عناصر کے خلاف کارروائیاں جاری رہیں گی۔
