ملتان (پنجاب پوسٹ) سیف سٹی ملتان کے جدید کیمروں اور مؤثر نگرانی کے نظام کی مدد سے ریش ڈرائیونگ کرتے ہوئے دو کم عمر لڑکوں کی نشاندہی کی گئی، جنہیں بروقت کارروائی کرتے ہوئے پکڑ لیا گیا۔
ایس پی سیف سٹی ملتان جناب نصراللہ وڑائچ نے اس موقع پر اپنے پیغام میں کہا کہ کم عمر بچوں کا موٹر سائیکل یا گاڑی چلانا انتہائی خطرناک ہے۔ والدین اپنے بچوں کو ڈرائیونگ کی اجازت ہرگز نہ دیں اور ٹریفک قوانین پر عمل درآمد یقینی بنائیں۔
انہوں نے مزید کہا کہ رش ڈرائیونگ اور تیز رفتاری نہ صرف ڈرائیور بلکہ دیگر شہریوں کی زندگیوں کے لیے بھی خطرہ بن سکتی ہے۔ شہری ذمہ داری کا مظاہرہ کریں اور محفوظ ڈرائیونگ کو فروغ دیں۔
سیف سٹی ملتان شہریوں کے جان و مال کے تحفظ اور ٹریفک قوانین پر عمل درآمد کے لیے جدید ٹیکنالوجی کے ذریعے مؤثر نگرانی جاری رکھے ہوئے ہے۔
سیف سٹی ملتان – آپ کی حفاظت، ہماری اولین ترجیح!
