لاہور (پنجاب پوسٹ) نائب امیر جماعت اسلامی پاکستان لیاقت بلوچ نے الیکشن کمیشن آف پاکستان کی جانب سے پنجاب میں بلدیاتی انتخابات کا شیڈول جاری کرنے کے فیصلے پر اپنے ردعمل کا اظہار کیا ہے۔ انہوں نے اس اقدام کو خوش آئند قرار دیتے ہوئے کہا کہ یہ جمہوری عمل کی مضبوطی کی جانب ایک اہم پیش رفت ہے۔
لیاقت بلوچ نے کہا کہ الیکشن کمیشن کے اس فیصلے کا خیر مقدم کرتے ہیں۔ ان کا کہنا تھا کہ جماعت اسلامی عرصہ دراز سے پنجاب میں بلدیاتی انتخابات کے انعقاد کے لیے آئینی، قانونی اور جمہوری جدوجہد کر رہی تھی، اور آج کا فیصلہ اسی مسلسل جدوجہد کا نتیجہ ہے۔
یہ بھی پڑھیں:”جماعت اسلامی جیت گئی”حکومت مرحلہ وار پیٹرولیم مصنوعات پر لیوی ختم کرنے پر رضامند
انہوں نے اعلان کیا کہ جماعت اسلامی اسلام آباد اور پنجاب کے بلدیاتی انتخابات میں بھرپور حصہ لے گی اور عوامی مسائل کے حل کے لیے میدان میں اترے گی۔
