لاہور (پنجاب پوسٹ) شہر لاہور میں رواں سال خودکشی کے واقعات میں کمی نہ آ سکی، ایدھی ترجمان کے مطابق یکم جنوری سے 31 اکتوبر تک مختلف وجوہات کی بنا پر 112 افراد نے خودکشی کی، جن میں 25 خواتین اور 87 مرد شامل ہیں۔
ایدھی ترجمان کے مطابق جنوری میں 14، فروری میں 12، مارچ میں 6، اپریل میں 10، مئی میں 13 اور جون میں 5 واقعات رپورٹ ہوئے۔ اسی طرح جولائی میں 14، اگست میں 13، ستمبر میں 12 جبکہ اکتوبر میں 13 واقعات سامنے آئے۔
ترجمان ایدھی کا کہنا ہے کہ ان واقعات کے مختلف محرکات میں غربت، محبت میں ناکامی، گھریلو ناچاقی اور دیگر مسائل شامل ہیں۔
اگر یہ خبر آپ کے اردگرد کسی کے ذاتی حالات سے بھی متعلق ہے تو اسے محض اعدادوشمار کے بجائے مدد اور توجہ کی ضرورت کے طور پر دیکھنا اہم ہے۔
