قصور (پنجاب پوسٹ) لاکھوں روپے مالیت کی 150 ممنوعہ ڈور کی چرخیاں برآمد ہونے پر 2 ملزمان گرفتار ہو گئے۔ڈی پی او قصور آفتاب احمد پھلروان کی ہدایت پر تھانہ صدر قصور پولیس کی کامیاب کاروائی ہوئی۔ایس ایچ او محمد اشفاق کی سربراہی میں انچارج چوکی نور پور محمد فاروق نے ڈور بنانے والے 02 ملزمان کو گرفتار کر لیا۔
یہ بھی پڑھیں:وکیل کے منشی پر جنسی زیادتی کی کوشش کا الزام، ڈی آئی جی آپریشنز کا فوری کارروائی کا حکم
ملزمان کے قبضہ سے لاکھوں روپے مالیت کی 150 ممنوعہ ڈور کی چرخیاں برآمد ہوئی۔ملزمان رکشہ پر ڈور کی چرخیاں قصور لیکر آ رہے تھے کہ بہادر پورہ پل روہی نالہ کے قریب ناکہ بندی کر کے گرفتار کر لیا گیا۔ملزمان کی شناخت احمد سکنہ جماعت پورہ اور نوید سکنہ بھٹہ حاجی سوہن دین کے ناموں سے ہوئی۔
یہ بھی پڑھیں:لاہور: سب انسپکٹر نے دوست کو راضی کرنےکیلئےشہری کو جھوٹے مقدمےمیں پھنسا دیا
تھانہ صدر قصور پولیس نے ملزمان کے خلاف کائیٹ فلائنگ ایکٹ کی دفعات کے تحت مقدمہ درج کر کے تفتیش شروع کر دی۔ڈی پی او قصور آفتاب احمد پھلروان کے مطابق شہر سمیت ضلع بھر میں ممنوعہ ڈور کے خلاف بھرپور کارروائیاں جاری رہیں گی۔
