راولپنڈی (پنجاب پوسٹ)آئی ایس پی آر کے مطابق چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر اور پاک فوج کے تمام رینکس نے جنرل (ر) عبدالوحید کاکڑ کے انتقال پر گہرے دکھ اور افسوس کا اظہار کیا ہے۔
فیلڈ مارشل سید عاصم منیر اور پاک فوج کے تمام رینکس نے مرحوم جنرل کی نمایاں عسکری خدمات اور قیادت کو خراجِ تحسین پیش کیا۔ انہوں نے پاک فوج کے لیے مرحوم کی گراں قدر خدمات کو بھی سراہا۔
یہ بھی پڑھیں:راولپنڈی: بینظیر بھٹو اسپتال میں مبینہ غفلت کے سبب دو بچے دوران زچگی جاں بحق
آئی ایس پی آر کا کہنا ہے کہ پاک فوج اس غم کی گھڑی میں سوگوار خاندان کے دکھ میں برابر کی شریک ہے اور اہلِ خانہ سے دلی تعزیت کا اظہار کرتی ہے۔
پاک فوج کی جانب سے دعا کی گئی کہ اللہ تعالیٰ مرحوم کی مغفرت فرمائے، انہیں جنت میں اعلیٰ مقام عطا کرے اور سوگوار خاندان کو صبر و استقامت دے۔آمین
