لاہور (پنجاب پوسٹ) اردو بازار میں 14 سال بعد الیکشن ہونے لگا۔انتخابات کی سرگرمیاں عروج پر پہنچ گئیں۔ شاہین گروپ نے اپنی انتخابی مہم تیز کر دی ہے۔شاہین گروپ کے نامزد صدارتی امیدوار جاوید اقبال نے اردو بازار کے مختلف حصوں کا دورہ کیا اور تاجر برادری سے ملاقاتیں کیں۔
یہ بھی پڑھیں:سپریم کورٹ بار ایسوسی ایشن کے انتخابات، 8 عہدوں پر 16 امیدواروں میں مقابلہ
اس موقع پر تاجروں کی بڑی تعداد نے شاہین گروپ کی قیادت پر اعتماد کا اظہار کیا۔ جاوید اقبال کا کہنا تھا کہ منتخب ہو کر اردو بازار کے دیرینہ مسائل حل کریں گے اور تاجروں کی فلاح و بہبود کے لیے ہر ممکن اقدامات کریں گے۔ تاجر برادری کا کہنا ہے کہ شاہین گروپ نے ماضی میں بھی تاجروں کے حقوق کے لیے بھرپور کردار ادا کیا ہے۔
