لاہور (پنجاب پوسٹ) محکمہ پولیس میں چھُپی ہوئی کالی بھیڑوں کے گرد شکنجہ سخت کر دیا۔ڈی آئی جی آپریشنز فیصل کامران کے حکم پر پولیس ملازم پر مقدمہ درج کر دیا۔درجہ چہارم کے ملازم انصر سے 2 سو گرام آئس برآمد ہونے پر مقدمہ درج کیا گیا۔ترجمان ڈی آئی جی آپریشنز فیصل کامران کے مطابق انصر باربر شاپ پولیس لائنز قلعہ گجر سنگھ میں تعینات تھا۔
یہ بھی پڑھیں:لاہور: ماں کی بیٹے کے خلاف تشدد اور گھر فروخت کرانے کی شکایت پر بڑا ایکشن
پولیس ملازم انصر کو معطل کر کے محکمانہ وقانونی کارروائی کا آغاز کر دیا گیا۔غیر قانونی سرگرمیوں میں ملوث پولیس اہلکار کسی رعایت کے مستحق نہیں۔محکمہ پولیس ڈسپلن فورس ہے، خلاف ڈسپلن اہلکاروں کی محکمہ میں کوئی جگہ نہیں۔محکمہ کی بہتری کیلئے خوداحتسابی کو عمل جاری رہے گا۔
