لاہور (پنجاب پوسٹ) اینٹی کرپشن اسٹیبلشمنٹ پنجاب کی کرپٹ عناصر کے خلاف خصوصی مہم جاری، اب تک 600 سے زائد افراد گرفتار کر لیے گئے۔ ترجمان اینٹی کرپشن اسٹیبلشمنٹ پنجاب کے مطابق 341 سرکاری ملازمین کو رشوت لیتے ہوئے رنگے ہاتھوں گرفتار کیا گیا، جبکہ کرپشن کی مختلف شکایات پر انکوائری کے بعد 256 افراد کو گرفتار کیا گیا۔
ٹریپ ریڈ کے دوران لاہور ریجن اے سے 24، لاہور ریجن بی سے 30، گوجرانوالہ سے 52، فیصل آباد سے 26 اور راولپنڈی سے 37 افراد کو گرفتار کیا گیا۔
سرگودھا ریجن سے 25، ساہیوال سے 22، ملتان سے 57، بہاولپور سے 29 اور ڈیرہ غازی خان سے 39 افراد کو رشوت لیتے ہوئے رنگے ہاتھوں گرفتار کیا گیا۔
کرپشن کے الزامات کی انکوائری کے بعد لاہور ریجن اے سے 15، لاہور ریجن بی سے 18، گوجرانوالہ سے 47، فیصل آباد سے 38 اور راولپنڈی سے ایک سرکاری ملازم کو گرفتار کیا گیا۔
اسی طرح سرگودھا سے 12، ساہیوال سے 22، ملتان سے 40، بہاولپور سے 46 اور ڈیرہ غازی خان سے 17 افراد کو کرپشن کے الزامات پر گرفتار کیا گیا۔
ترجمان اینٹی کرپشن اسٹیبلشمنٹ پنجاب کا کہنا ہے کہ کرپٹ عناصر کے خلاف بلاامتیاز کارروائیاں جاری ہیں۔ کرپشن فری پنجاب کے وژن کے تحت صوبے بھر میں کارروائیاں کی جا رہی ہیں اور کرپٹ عناصر کو ہر قیمت پر قانون کے کٹہرے میں لایا جائے گا۔
