لاہور (پنجاب پوسٹ) صوبائی وزیر کھیل ملک فیصل ایوب کھوکھر سے لاہور قلندرز کے سی ای او عاطف رانا نے ملاقات کی، جس میں سی ایم پنجاب یوتھ گیمز کے انعقاد، نوجوان کھلاڑیوں کی حوصلہ افزائی اور کھیلوں کے فروغ کے حوالے سے تبادلہ خیال کیا گیا۔ ملاقات میں کرکٹ اور فٹبال کے باصلاحیت کھلاڑیوں کو بڑے کھیلوں کے مقابلوں تک رسائی دینے اور نوجوانوں کے لیے قومی و بین الاقوامی سطح پر مواقع فراہم کرنے پر اتفاق کیا گیا۔
صوبائی وزیر کھیل ملک فیصل ایوب کھوکھر نے کہا کہ سی ایم پنجاب یوتھ گیمز سے نیا ٹیلنٹ سامنے آئے گا اور نوجوان کھلاڑیوں کو آگے بڑھنے کے بہترین مواقع میسر آئیں گے۔ باصلاحیت کھلاڑیوں کو پاکستان سپر لیگ (پی ایس ایل) سمیت بڑے اسپورٹس ایونٹس تک رسائی فراہم کی جائے گی۔ انہوں نے کہا کہ نئے ٹیلنٹ کی تلاش کے لیے حکومتی اور نجی شعبے کا اشتراک ناگزیر ہے۔ عاطف رانا یوتھ گیمز کی ٹیکنیکل اور آرگنائزنگ کمیٹیوں میں بھی شامل ہوں گے۔
لاہور قلندرز کے سی ای او عاطف رانا نے وزیراعلیٰ پنجاب مریم نواز شریف کے کھیلوں کے فروغ کے وژن کو قابلِ تحسین قرار دیتے ہوئے کہا کہ نوجوانوں کے لیے تاریخی اقدامات خوش آئند ہیں۔ لاہور قلندرز نوجوان کھلاڑیوں کو اپنی صلاحیتوں کے اظہار کے مواقع فراہم کرنے کے لیے پرعزم ہے۔ انہوں نے کہا کہ اسپورٹس بورڈ پنجاب اور لاہور قلندرز کے درمیان اشتراک نوجوان کھلاڑیوں کے لیے قومی اور بین الاقوامی سطح پر آگے بڑھنے کی نئی راہیں کھولے
