لاہور (پنجاب پوسٹ) ایڈیشنل آئی جی انویسٹی گیشن برانچ پنجاب شہزادہ سلطان کی ہدایت پر ڈی آئی جی کرائم انویسٹی گیشن پنجاب علی جاوید انور ملک کی زیرِ صدارت سٹینڈنگ ریویو بورڈ کا اجلاس منعقد ہوا۔ایس پی انویسٹی گیشن خرم شہزاد،ایس پی انویسٹی گیشن رانا احمد حسن ،اور دیگر افسران نے شرکت کی۔سٹینڈنگ ریویو بورڈ اجلاس میں تبدیلی تفتیش کے 15 مقدمات زیر بحث آئے۔
یہ بھی پڑھیں:وزیرِاعظم محمد شہباز شریف کی زیرِ صدارت وفاقی کابینہ کا اجلاس
تفتیشی افسران مقامی پولیس ، ڈسٹرکٹ انویسٹی گیشن برانچ اور RIB انویسٹی گیشن افسران کو سنا گیا۔ایڈیشنل آئی جی انویسٹی گیشن برانچ پنجاب شہزادہ سلطان کے مطابق مقدمات کی تبدیلی تفتیش کیلئے باقاعدگی سے بورڈز کا انعقاد یقینی بنایا جا رہا ہے۔تبدیلی تفتیش سے متعلق تمام زیر التوا کیسز جلد از جلد نمٹائے جائیں گے۔
