لاہور(پنجاب پوسٹ)وزیراعلیٰ پنجاب مریم نواز شریف نے ہائپر سانک بیلسٹک میزائل "فتح 2” کی توسیعی رینج کے شاندار تجربے پر اللہ تعالیٰ کا شکر ادا کیا ہے۔ انہوں نے اس کامیابی پر میزائل پراجیکٹ سے وابستہ پوری ٹیم اور پوری قوم کو دلی مبارکباد پیش کی۔
اپنے بیان میں وزیراعلیٰ مریم نواز شریف نے کہا کہ "فتح 2” کی توسیعی رینج کا کامیاب تجربہ پاک آرمی کے سائنسدانوں اور انجینئرز کا قابلِ فخر کارنامہ ہے۔ انہوں نے کہا کہ یہ کامیابی دفاعی صلاحیتوں کے میدان میں پاکستان کی بڑھتی ہوئی مہارت کا ثبوت ہے اور پوری قوم کے لیے باعثِ فخر ہے۔
وزیراعلیٰ نے میزائل پراجیکٹ ٹیم کی محنت، لگن اور پیشہ ورانہ صلاحیتوں کو سراہتے ہوئے کہا کہ ملک کے دفاع کو مضبوط بنانے میں ان سائنسدانوں اور انجینئرز کا کردار ناقابلِ فراموش ہے۔
