لاہور (پنجاب پوسٹ) غالب مارکیٹ پولیس نے اپارٹمنٹ کی چھت پر موجود خاتون سے نازیبا حرکات کرنے کے الزام میں ملوث سکیورٹی گارڈ کو گرفتار کر لیا۔
ایس پی ماڈل ٹاؤن اسد علی کے مطابق خاتون شام کے اوقات میں اپارٹمنٹ کی چھت پر موجود تھی کہ ملزم نے اسے اکیلا دیکھ کر نازیبا حرکات کیں۔
یہ بھی پڑھیں: معمولی ٹریفک حادثے پر تنازع، شہری کے دفتر پر فائرنگ اور تشدد کرنے والے 2 ملزمان گرفتار
پولیس نے واقعے میں ملوث ملزم عارف کو گرفتار کرکے اس کے خلاف مقدمہ درج کر لیا ہے، جبکہ مزید کارروائی کے لیے کیس جینڈر سیل کے حوالے کر دیا گیا ہے۔
ایس پی ماڈل ٹاؤن اسد علی کا کہنا ہے کہ خواتین کا استحصال کرنے والے کسی رعایت کے مستحق نہیں، ایسے عناصر کے خلاف قانون کے مطابق کارروائی یقینی بنائی جائے گی۔
