لاہور (پنجاب پوسٹ) پنجاب پبلک سروس کمیشن (پی پی ایس سی) نے بورڈ آف ریونیو میں جونیئر اسکیل سٹینوگرافر کی ایک آسامی کے لیے تحریری امتحان کے نتائج کا اعلان کر دیا ہے، جس میں 5 امیدوار کامیاب قرار پائے ہیں۔
کامیاب امیدواروں میں کرنے ناز، ثنا امانت، زنیرہ سلیم انصاری، محمد عتیق شاہ اور محمد شعیب طارق شامل ہیں۔
تحریری امتحان میں کامیاب امیدواروں سے اب ٹائپنگ اور پروفیشنسی ٹیسٹ لیا جائے گا۔ امیدواروں کو انٹرویو کے لیے کال لیٹرز پنجاب پبلک سروس کمیشن کی ویب سائٹ پر جاری کیے جائیں گے، جبکہ انہیں ایس ایم ایس اور ای میل کے ذریعے بھی آگاہ کیا جائے گا۔
پی پی ایس سی کی جانب سے امیدواروں کو ہدایت کی گئی ہے کہ انٹرویو کے وقت اپنی اصل تعلیمی اسناد اور دیگر متعلقہ دستاویزات لازمی ہمراہ لائیں۔ کامیاب امیدواروں کی فہرستیں پنجاب پبلک سروس کمیشن کی ویب سائٹ پر بھی دستیاب ہیں۔
سیکرٹری پنجاب پبلک سروس کمیشن افضال احمد نے کامیاب امیدواروں کی تقرری کے لیے سفارشات اور نتائج جاری کر دیے ہیں۔
