لاہور (پنجاب پوسٹ) قرآن و سنہ موومنٹ کے چیئرمین علامہ ابتسام الٰہی ظہیر نے کہا ہے کہ خیبر پختونخوا میں گورنر راج مسائل کا حل نہیں۔ ان کے مطابق ایسے اقدام سے سیاسی جماعتوں اور عوام میں احساسِ محرومی پیدا ہونے کا خدشہ ہے۔
انہوں نے کہا کہ دہشت گردی کے خاتمے اور قیامِ امن کے لیے وفاق اور صوبے کے درمیان بہتر روابط ضروری ہیں۔ سیاسی اختلافات کے باوجود وفاقی اورچکو باہمی تعاون سے قابلِ عمل راستہ نکالنا چاہیے۔
علامہ ابتسام الٰہی ظہیر کا کہنا تھا کہ سیاسی مسائل کا حل تصادم کے بجائے مکالمے اور افہام و تفہیم میں تلاش کیا جائے۔ انہوں نے زور دیا کہ ایمرجنسی اور گورنر راج جیسے غیر معمولی اقدامات سے حتی الامکان گریز کیا جائے۔
ان کا کہنا تھا کہ قومی یکجہتی اور پائیدار امن کے لیے سیاسی قوتوں کا باہمی تعاون ناگزیر ہے۔
