غریب پیٹرول خریدے یا گھر چلائے؟ 400 روپے لیٹر پیٹرول اور بھاری لیوی کے خلاف احتجاج کا فیصلہ

لاہور (پنجاب پوسٹ) پیٹرول کی قیمت 400 روپے فی لیٹر تک پہنچنے اور پٹرولیم لیوی کے بوجھ کے خلاف پاکستان مرکزی مسلم لیگ لاہور نے شہر بھر کی یونین کونسلوں کی سطح پر احتجاجی مظاہرے کرنے کا فیصلہ کر لیا۔

یہ بھی پڑھین: وزیر اعظم نے ملنے نہ بلایا، جماعت اسلامی کا پارہ بھی ہائی، لانگ مارچ دوبارہ شروع کرنے کا فیصلہ

اس حوالے سے فیصلہ جنرل سیکرٹری لاہور چوہدری حمید الحسن گجر کی زیرِ صدارت منعقدہ تنظیمی اجلاس میں کیا گیا۔ اجلاس میں مہنگائی اور پٹرولیم لیوی کے باعث عوام کو درپیش مشکلات پر تشویش کا اظہار کیا گیا۔

چوہدری حمید الحسن گجر نے مطالبہ کیا کہ پٹرولیم لیوی میں فوری کمی کی جائے اور مہنگائی سے پریشان عوام کو ریلیف فراہم کیا جائے۔ ان کا کہنا تھا کہ پٹرول کی قیمت 400 روپے فی لیٹر تک پہنچنے کے باوجود غریب عوام کو ریلیف نہیں مل رہا، حکومت بتائے کہ غریب اپنا گھر چلائے یا مہنگا پٹرول خریدے؟

یہ بھی پڑھیں: لیوی بھتہ کے خاتمہ کی بات کی جائے تو پھر آئی ایم ایف کی اجازت سے مشروط کردیا جاتا ہے لیکن بے نظیر انکم سپورٹ پروگرام جاری رہتا ہے،حافظ نعیم الرحمن

پاکستان مرکزی مسلم لیگ لاہور نے واضح کیا کہ عوامی مسائل پر خاموش نہیں رہا جائے گا اور مہنگائی و پٹرولیم لیوی کے خلاف شہر بھر کی یونین کونسلوں میں احتجاجی مظاہرے کیے جائیں گے۔