قصور (پنجاب پوسٹ) حبیب آباد میں مہنگائی کے بڑھتے طوفان نے شہریوں کی مشکلات میں مزید اضافہ کر دیا ہے۔ پٹرولیم مصنوعات کی قیمتوں میں اضافے کے ساتھ ایل پی جی کی قیمتوں میں بھی ہوشربا اضافہ ہو گیا۔ حبیب آباد اور گردونواح میں ایل پی جی پانچ سو روپے فی کلو تک فروخت ہونے لگی ہے۔
یہ بھی پڑھیں:لاہور شہر 3 ہزار 242 دکاندار مہنگائی میں ملوث،سزا کیا دی گئی؟
ایک طرف سوئی گیس کی لوڈشیڈنگ کے باعث شہری متبادل ایندھن استعمال کرنے پر مجبور ہیں، تو دوسری جانب ایل پی جی کی بڑھتی ہوئی قیمتوں نے گھریلو بجٹ درہم برہم کر دیا ہے۔مہنگائی کی چکی میں پستے غریب اور متوسط طبقے کے لیے گھر کا چولہا جلانا بھی مشکل ہو گیا ہے۔شہریوں نے حکومت اور متعلقہ حکام سے مطالبہ کیا ہے کہ ایل پی جی کی قیمتوں کو کنٹرول کرنے کے لیے مؤثر اقدامات کیے جائیں تاکہ عوام کو ریلیف مل سکے۔
یہ بھی پڑھیں:’’مار گئی مہنگائی’’وزیرآباد غربت سے تنگ شہری کی خودکشی
