لاہور (پنجاب پوسٹ) اسپیشل کورٹ نے عدالتی احکامات کے باوجود ریکارڈ پیش نہ کرنے پر ایس ایچ او کوٹ لکھپت محمد افضال کو 200 روپے جرمانے کی سزا سنا دی۔
اسپیشل کورٹ کے جج محمد فرقان احمد نے فیصلہ سنایا۔ عدالت نے ایس ایچ او کو متعدد بار حکم دیا کہ متعلقہ ریکارڈ عدالت میں پیش کیا جائے، تاہم ریکارڈ پیش نہ کرنے پر عدالت نے کارروائی کی۔
عدالت نے حکم دیا کہ 200 روپے جرمانہ ادا نہ کرنے کی صورت میں ایس ایچ او محمد افضال کو 15 روز قید کی سزا بھگتنا ہوگی۔
عدالتی حکم کی عدم تعمیل پر ایس ایچ او افضال کو شوکاز نوٹس بھی جاری کیا گیا۔
