لاہور (پنجاب پوسٹ) تھانہ کاہنہ کی حدود میں کاچھا روڈ دھوپ سڑی کے مقام پر ایک بند ‘گلوریئس پیزا شاپ’ میں گیس سلنڈر لیکیج کے باعث زوردار دھماکہ ہوا ہے۔ دھماکے کی شدت سے دکان کا پچھلا حصہ—جہاں اون (Oven) اور دیگر مشینیں رکھی ہوئی تھیں.مکمل طور پر تباہ ہو گیا اور چھت نیچے آ گری۔
حادثے کے نتیجے میں قریب ہی گلی میں کھیلتا ہوا چودہ سے پندرہ سالہ بچہ "علی انور” جھلس کر معمولی زخمی ہو گیا، جسے ریسکیو 1122 کی ایمبولینس کے ذریعے فوری طور پر طبی امداد کے لیے جناح ہسپتال منتقل کر دیا گیا ہے۔ خوش قسمتی سے اس حادثے میں کوئی اور جانی نقصان نہیں ہوا۔ پولیس اور متعلقہ اداروں نے موقع پر پہنچ کر صورتحال کا جائزہ لینا شروع کر دیا ہے۔
