لاہور (پنجاب پوسٹ)لاہور میں بڑھتی ہوئی سموگ کی شدت کے پیشِ نظر پاکستان اور سری لنکا کے درمیان دوسرا ٹیسٹ میچ لاہور سے راولپنڈی منتقل کر دیا گیا ہے۔ پاکستان کرکٹ بورڈ نے وینیو کی اس تبدیلی کی باضابطہ تصدیق کر دی ہے۔
بورڈ کے مطابق لاہور میں فضائی آلودگی اور سموگ کی صورتحال کو دیکھتے ہوئے کھلاڑیوں اور شائقین کی صحت کو مدنظر رکھ کر یہ فیصلہ کیا گیا۔
یہ بھی پڑھیں:راولپنڈی ٹیسٹ: سری لنکا کے خلاف پاکستان کی پہلی اننگز جاری
دوسرا ٹیسٹ پہلے سے طے شدہ شیڈول کے مطابق 17 سے 21 نومبر تک کھیلا جائے گا۔ شیڈول میں کسی قسم کی تبدیلی نہیں کی گئی، صرف میچ کا مقام لاہور کے بجائے راولپنڈی کر دیا گیا ہے۔
