لاہور (پنجاب پوسٹ) راشن کارڈ ہولڈرز ستمبر کے مہینے کی 3 ہزار روپے کی امدادی رقم کے منتظر ہیں، یکم اکتوبر تک محکمہ لیبر کی جانب سے رقم اکاؤنٹس میں منتقل نہیں کی جا سکی۔
ورکرز کے مطابق جولائی کے مہینے میں محکمہ لیبر کی جانب سے 16 جولائی کو 3 ہزار روپے اکاؤنٹ میں منتقل کیے گئے تھے، جبکہ اگست کے مہینے میں راشن کارڈ کی 3 ہزار روپے کی رقم 25 اگست کو ٹرانسفر ہوئی۔
یہ بھی پڑھیں: شہریوں کا ایف بی آر پر اعتماد میں اضافہ، گزشتہ سال 20 لاکھ ٹیکس ریٹرن جمع کروا دئیے
ورکرز کا کہنا ہے کہ ستمبر کے ماہ کی 3 ہزار روپے کی رقم یکم اکتوبر تک بھی نہیں مل سکی۔ مہنگائی کے دور میں 3 ہزار روپے کی رقم سے راشن کی خریداری میں مدد مل جاتی تھی، مگر گزشتہ تین ماہ سے رقم مسلسل تاخیر کا شکار ہے۔
ورکرز کے مطابق رقم میں تاخیر کے باعث گھروں کے چولہے ٹھنڈے پڑ رہے ہیں۔
ترجمان پیسی کے مطابق راشن کارڈ کی 3 ہزار روپے کی رقم آج جاری کیے جانے کا امکان ہے۔
