لاہور (پنجاب پوسٹ) ڈی آئی جی آپریشنز کی ہدایت پر ڈولفن سکواڈ کی بین الاضلاعی اشتہاری ملزمان کے خلاف کارروائیاں جاری ہیں۔ گوجرانوالہ اور سرگودھا پولیس کے مطلوب اشتہاری ملزمان کو ڈولفن سکواڈ نے گرفتار کرلیا۔
ترجمان ڈولفن کے مطابق ملزمان کو سٹاپ اینڈ سرچ کے دوران مشکوک جانتے ہوئے روکا گیا۔ ای پولیس ایپ پر ریکارڈ چیک کرنے پر ملزمان کے خلاف انسانی اسمگلنگ اور ویزہ فراڈ کے مقدمات درج ہونے کا انکشاف ہوا۔
یہ بھی پڑھیں: جہانیاں میں تھانیدار بڑا واردتیا نکلا ، اکیلا ہی تھا یا پورا تھانہ؟ تحقیقات جاری
ترجمان کے مطابق گرفتار ملزمان انسانی اسمگلنگ اور ویزہ فراڈ کے دھندے میں ملوث ہیں اور گرفتاری سے بچنے کے لیے 3 سال سے لاہور میں روپوش تھے۔
گرفتار ملزمان مسعود اور عادل کو مزید کارروائی کے لیے تھانہ مانگا منڈی اور تھانہ قلعہ گجر سنگھ کے حوالے کردیا گیا۔
ایس پی ڈولفن بلال احمد نے ڈولفن سکواڈ کی بین الاضلاعی ملزمان کے خلاف کارروائیوں کو قابل تحسین قرار دیا۔
