فیصل آباد (پنجاب پوسٹ) جھنگ بازار میں دو لڑکیوں کی جانب سے مبینہ طور پر جعلی آن لائن ادائیگی کے ذریعے 12 ہزار روپے مالیت کی جیولری لے جانے کا واقعہ سامنے آیا ہے۔
تھانہ جھنگ بازار کی حدود میں الفرید جیولرز سے دو لڑکیوں نے مبینہ طور پر 12 ہزار روپے مالیت کی جیولری خریدی۔ دکاندار کے مطابق دونوں نے آن لائن ادائیگی کے جعلی اسکرین شاٹس دکھائے اور رقم اکاؤنٹ میں منتقل کیے بغیر زیورات لے کر چلی گئیں۔
دکاندار کے مطابق ایک لڑکی نے 4 ہزار 200 روپے جبکہ دوسری نے 7 ہزار 800 روپے کی جیولری خریدی۔ واقعے کا مبینہ جعلی ادائیگی کا اسکرین شاٹ بھی محفوظ کر لیا گیا ہے۔
