لاہور(پنجاب پوسٹ)نائب امیر جماعت اسلامی پاکستان لیاقت بلوچ نے کہا ہے کہ ملکی سیاست سے زرداری اور شریف خاندان کی سیاست کا سورج غروب ہو رہا ہے، جبکہ اب جماعت اسلامی مضطرب عوام کیلئے بہترین چوائس ہے۔
انہوں نے مطالبہ کیا کہ وزیراعظم شہباز شریف وطن واپسی پر وقت ضائع کیے بغیر امیر جماعت اسلامی حافظ نعیم الرحمان سے مذاکرات کریں۔ ان کا کہنا تھا کہ وزیراعظم پیٹرول پر لیوی ٹیکس ختم کر کے عوام کو ریلیف دیں۔
لیاقت بلوچ نے خبردار کیا کہ حکومتی ٹال مٹول کے نتیجے میں معاملہ صرف سپر لانگ مارچ تک محدود نہیں رہے گا، بلکہ حکومت کے خاتمے کی ملک گیر تحریک چل پڑے گی۔
انہوں نے کہا کہ ملک کا اصل گھمبیر بحران نظام کی ناکامی ہے۔
