لاہور (پنجاب پوسٹ) ڈائریکٹر این سی سی آئی اے پنجاب حسام بن اقبال کے حکم پر سائبر فراڈ میں ملوث عناصر کے خلاف بڑی کارروائی کی گئی، غیر قانونی کال سینٹرز کے خلاف کریک ڈاؤن کے دوران 11 ملزمان کو گرفتار کرلیا گیا۔
این سی سی آئی اے کے مطابق گلبرگ اور برکت مارکیٹ میں غیر قانونی کال سینٹرز پر چھاپے مارے گئے، جہاں سے 13 لیپ ٹاپ، 6 موبائل فون اور 6 کمپیوٹر برآمد کیے گئے۔
کارروائی کے دوران ملزمان کے قبضے سے اہم ڈیجیٹل ڈیٹا اور VOIP سافٹ ویئر بھی برآمد ہوا۔
یہ بھی پڑھیں: خواتین وزیراعلیٰ کی ریڈلائن، لڑکی کو تنگ کرنیوالا ملزم پولیس نے کیسے گرفتار کیا؟
این سی سی آئی اے حکام کے مطابق گرفتار ملزمان میں 6 ایسے افراد بھی شامل ہیں جو جعلی بینک افسر بن کر شہریوں کو لوٹنے میں ملوث تھے۔ بیرونِ ملک شہریوں کو کالز کرکے مبینہ طور پر فراڈ کرنے والا نیٹ ورک بھی بے نقاب کیا گیا ہے۔
سائبر کرائم ایجنسی کی جانب سے گرفتار ملزمان کے خلاف مزید قانونی کارروائی جاری ہے۔
