لاہور (پنجاب پوسٹ) نواب ٹاؤن کے علاقے میں باپ بیٹے کو 30 لاکھ روپے تاوان کے لیے شارٹ ٹرم اغوا کرنے کا واقعہ پیش آیا۔ ایف آئی آر کے مطابق 8 مسلح ملزمان نے واک کرتے ہوئے باپ بیٹے کو اغوا کیا اور واردات کے لیے دو لگژری گاڑیاں استعمال کیں۔
ملزمان مغوی باپ بیٹے سے 2 کروڑ روپے تاوان کا مطالبہ کرتے رہے، جبکہ اغوا کاروں نے مغوی کے موبائل اکاؤنٹ سے 30 لاکھ روپے اپنے اکاؤنٹ میں منتقل کیے۔
یہ بھی پڑھیں: ریس کورس، اشتہاری کی گرفتاری کے لیے ریڈ، مینجر سمیت سب انسپکٹر گرفتار
متاثرہ باپ بیٹے کے موبائل فونز، قیمتی گھڑی اور لیپ ٹاپ بھی چھین لیے گئے۔ ایف آئی آر کے مطابق اغوا کار رات بھر باپ بیٹے کو شہر میں گھماتے رہے اور صبح ساڑھے 4 بجے انہیں شیخ زید اسپتال کے باہر چھوڑ کر فرار ہوگئے۔
پولیس نے 8 رکنی اغوا کار گینگ کی گرفتاری کے لیے کوششیں شروع کردی ہیں۔
