لاہور (پنجاب پوسٹ) شہر میں خواتین سے جنسی زیادتی کے واقعات مسلسل جاری ہیں، گزشتہ 24 گھنٹوں کے دوران 4 خواتین سمیت ایک 12 سالہ بچے کو بھی جنسی زیادتی کا نشانہ بنائے جانے کے واقعات سامنے آئے ہیں۔
لاہور کے باغبانپورہ میں ملزم خرم نے شادی شدہ خاتون (ز) کو مبینہ طور پر نشہ آور بوتل پلا کر جنسی زیادتی کا نشانہ بنایا اور فحش ویڈیو بنا لی، واقعے کا مقدمہ درج کرلیا گیا۔
شادباغ میں رشید نامی نوسرباز نے شیراز نامی شخص کی اہلیہ (ف) کو اولاد کے لیے دم کرنے کے بہانے مبینہ طور پر جنسی زیادتی کا نشانہ بنایا۔
یہ بھی پڑھیں: ہارون آباد میں تھانہ سٹی پولیس کی منشیات فروشوں کے خلاف کارروائی، ایک ملزم گرفتار
مغلپورہ میں جلال نامی ملزم نے 12 سالہ بچے راحت کو مبینہ طور پر جنسی زیادتی کا نشانہ بنایا۔
مصری شاہ میں احسن نوید نامی ملزم نے سیکنڈ ایئر کی طالبہ (ا) کو شادی کا جھانسہ دے کر مبینہ طور پر متعدد بار جنسی زیادتی کا نشانہ بنایا۔
پولیس نے تمام واقعات کے مقدمات درج کرکے تحقیقات شروع کردی ہیں۔
