لاہور (پنجاب پوسٹ) ہیئر پولیس نے دوہرے قتل کے واقعے میں ملوث دونوں فریقین کے 5 ملزمان گرفتار کر لیے۔وقوعے کی اطلاع ملتے ہی پولیس فوری موقع پر پہنچ گئی اور شواہد اکٹھے کر کے قانونی کارروائی کا آغاز کیا۔
ترجمان ڈی آئی جی آپریشنز
واقعے کا مقدمہ دفعہ 302، 109 اور 34 ت پ کے تحت درج کیا گیا۔سرور نامی شخص نے اپنے بیٹے اللہ دتہ کے لیے اپنے بھائی سعید سے رشتہ مانگا تھا۔6 اکتوبر کی رات سعید نے دیگر ملزمان کے ساتھ مل کر سرور اور اس کی اہلیہ کو تشدد کا نشانہ بنایا۔
پولیس نے سرور کا میڈیکل کروانے کے بعد اس کی مدعیت میں مقدمہ درج کیا۔رشتہ دینے سے انکار پر اللہ دتہ نے ساتھی ملزمان کے ہمراہ سعید کو فائرنگ کرکے قتل کر دیا۔واقعے کے دوران مقتول سعید کے اہلخانہ بھی موقع پر پہنچ گئے۔مقتول کے اہلخانہ نے اللہ دتہ کو پکڑ کر تشدد کا نشانہ بنایا۔
بعدازاں سعید کے اہلخانہ نے مبینہ طور پر مشاورت کے بعد اللہ دتہ کو فائرنگ کرکے قتل کر دیا۔سعید کے قتل میں ملوث مجید، رشیداں بی بی اور نواز کو گرفتار کیا۔اللہ دتہ کے قتل میں ملوث سلیماں بی بی اور زینب بھی گرفتار کر لی گئیں۔دونوں فریقین کے دیگر ملزمان کی گرفتاری کے لیے پولیس کے چھاپے جاری ہے۔
ڈی آئی جی آپریشنز فیصل کامران
کسی بھی شخص کو قانون ہاتھ میں لینے کی اجازت نہیں۔قانون سب کے لیے برابر ہے، ہر شہری کو اس کا احترام کرنا چاہیے۔
