قصور(پنجاب پوسٹ) سرائے مغل اور گردونواح میں چور بے لگام، ایک کے بعد ایک چوری کی وارداتوں نے شہریوں میں خوف و تشویش کی لہر دوڑا دی۔ تھانہ سرائے مغل کی حدود میں صرف ایک ہفتے کے دوران چوری کی 11 وارداتیں رپورٹ ہوچکی ہیں۔ تازہ وارداتوں میں کٹارمل کے زیرِ تعمیر گھر سے چھت کا سارا سامان، ٹی آر گارڈر، دروازے، گرل اور پنکھے چوری کرلیے گئے، جبکہ پڈھانہ چک 45 اور تار تارا گڑھ میں بھی چوری کی وارداتیں ہوئیں۔ پولیس نے مقدمات درج کرکے کارروائی شروع کردی ہے۔
یہ بھی ہڑھیں:پنجاب میں پولیس ناکوں کے ذریعے 1ہزار 700 افراد گرفتار، کتنے خطرناک مجرم تھے؟
سرائے مغل میں چوری کی وارداتوں کا سلسلہ تھمنے کا نام نہیں لے رہا، نامعلوم چور آئے روز شہریوں کو لاکھوں روپے کے نقصان سے دوچار کر رہے ہیں۔ نواحی علاقہ کٹارمل میں چور زیرِ تعمیر گھر میں داخل ہوئے اور چھت کا سارا سامان اکھاڑ کر لے گئے۔ چور ٹی آر گارڈر، دروازے، گرل اور دو چھت والے پنکھے بھی ساتھ لے گئے۔
یہ بھی پڑھیں:جائیداد کا لالچ ، بیوی کی مدد سے 80 سالہ باپ کو قتل کرنے والا سفاک بیٹا کیسے پکڑا گیا ؟
دوسری جانب پڈھانہ چک 45 میں نامعلوم چور گائے اور بکرا لے اڑے، جبکہ تارا گڑھ میں مرغی فارم سے بیٹری اور موبائل فون چوری کرلیے گئے۔ پولیس کے مطابق ایک ہفتے کے دوران تھانہ سرائے مغل کی حدود میں چوری کی 11 وارداتیں رپورٹ ہوچکی ہیں، مختلف مقدمات درج کرکے ملزمان کی تلاش شروع کردی گئی ہے۔
