لاہور:ٹک ٹاکر ارشم مقصود کیس میں بڑی پیشرفت، پولیس نے دو ملزمان کو گرفتار کر لیا، ٹک ٹاکر نے خودکشی کی یا قتل ہوئی؟

لاہور (پنجاب پوسٹ)لاہور کے علاقے اسلام پورہ میں خاتون ارشم مقصود کی فلیٹ سے پھندا لگی لاش برآمد ہونے کے معاملے میں پولیس نے تحقیقات کا دائرہ کار وسیع کر دیا ہے۔ خاتون کی لاش 4 ستمبر کو فلیٹ سے برآمد ہوئی تھی، جس کے بعد ابتدائی طور پر واقعہ خودکشی کا معلوم ہوا۔

تھانہ اسلام پورہ پولیس نے مقتولہ کے والد کی مدعیت میں مقدمہ درج کرکے واقعے کی باقاعدہ تفتیش شروع کردی۔ پولیس نے کارروائی کرتے ہوئے نامزد ملزم اکرم سمیت 2 افراد کو حراست میں لے لیا ہے۔

یہ بھی پڑھیں:سیالکوٹ: 17 برس قبل شادی سے انکار پر لڑکی کو قتل کرنے والا ملزم گرفتار، آزاد کشمیر، کراچی اور بلوچستان میں کیسے چھپتا رہا؟ فلمی کہانی اور دبنگ گرفتاری کی تفصیلات سامنے آگئیں

ترجمان ڈی آئی جی آپریشنز کے مطابق زیر حراست افراد کے واقعے میں ممکنہ کردار کا تعین شواہد کی روشنی میں کیا جا رہا ہے، جبکہ پولیس مختلف پہلوؤں سے تفتیش جاری رکھے ہوئے ہے۔ مقتولہ کی پوسٹ مارٹم رپورٹ بھی پولیس کو موصول ہوگئی ہے، جسے تفتیش کا حصہ بنا لیا گیا ہے۔

پولیس کے مطابق پوسٹ مارٹم رپورٹ، جائے وقوعہ سے ملنے والے شواہد اور دیگر حقائق کی روشنی میں تحقیقات کو آگے بڑھایا جا رہا ہے۔ پولیس اس پہلو کا بھی جائزہ لے رہی ہے کہ خاتون کی موت خودکشی تھی یا اس کے پیچھے کوئی اور وجہ یا واقعہ کارفرما تھا۔ترجمان ڈی آئی جی آپریشنز کا کہنا ہے کہ تمام پہلوؤں کی مکمل چھان بین کی جا رہی ہے اور شواہد کی بنیاد پر حتمی نتیجے تک پہنچا جائے گا۔

یہ بھی پڑھیں:کیا 25 کروڑ پاکستانیوں نے سوٹا لگانا تھا؟سی سی ڈی کا آپریشن ، 22 منشیات فروشوں سے 13 من 13 کلو چرس، 35 کلو آئس، 1 من افیون برآمد

تھانہ اسلام پورہ میں والد کی مدعیت میں دفعہ 302 کی تحت مقدمہ درج

والد نے ایف آئی آر میں بتایا ‘ارشم 31 اگست کو میرے گھر آئی تب بھی وہ اپنے گھر کے معاملات سے پریشان تھی جس پر میں نے ہمت دی اور رات کو تقریباً 9 بج کر 30 منٹ پر اکرام کے پاس اپنے گھر چلی گئی۔ جس کے بعد 3 اگست کو مجھے 5 بج کر 45 منٹ پر کال آئی جس میں میں مجھے بتایا گیا کہ آپ کی بیٹی کے فلیٹ سے بہت بری بدبو آرہی ہے۔ آپ جلدی یہاں آجائیں۔ میں اور میرا دوست 15 منٹ میں فلیٹ پہنچے تو وہاں معلوم ہوا کہ میری بیٹی کو خاوند اکرام نے قتل کر دیا ہے جو دو دن سے فرار تھا’

ایف آئی آر کے متن کے مطابق والد کے دوست نے پولیس کو اطلاع دی جس کے نعد تگتیش شروع ہوئی۔ انہوں نے استدعا کی کہ ان کی بیٹی کو جھانسے میں لا کر اس کے ساتھ شادی کر کے اسے پریشان اور ہراساں کر کے اور قتل کیا گیا ہے۔