لاہور (پنجاب پوسٹ) ڈی آئی جی آپریشنز کی سربراہی میں منشیات فروشوں کے خلاف سخت ایکشن جاری ہے، مزنگ پولیس نے خفیہ اطلاع پر کارروائی کرتے ہوئے 48 وارداتوں کے مبینہ ماسٹر مائنڈ کو منشیات سمیت رنگے ہاتھوں گرفتار کرلیا۔
پولیس کے مطابق گرفتار ملزم مشتاق میانی صاحب قبرستان کے قریب منشیات سپلائی کرنے کے لیے آیا تھا، جس کے قبضے سے 2 کلوگرام چرس برآمد ہوئی۔
پولیس کا کہنا ہے کہ ملزم عادی مجرم ہے اور اس کے خلاف مختلف تھانوں میں ڈکیتی، چوری اور منشیات کے 48 سنگین مقدمات درج ہیں۔
ملزم مشتاق کے خلاف مقدمہ درج کرکے مزید تفتیش شروع کردی گئی ہے، جبکہ منشیات سپلائی کرنے والے دیگر نیٹ ورک اور سہولت کاروں کی ٹریسنگ بھی جاری ہے۔
ایس پی منزہ کرامت کے مطابق منشیات فروشوں کے خلاف کارروائیاں مزید تیز کی جا رہی ہیں۔
