لاہور(پنجاب پوسٹ) ٹورازم ڈویلپمنٹ کارپوریشن پنجاب (TDCP) کی جانب سے کوٹلی ستیاں کے خوبصورت سیاحتی مقام چیورہ ٹاپ پر ریزورٹ کی تعمیر تیزی سے جاری ہے اور منصوبہ تکمیل کے آخری مراحل میں داخل ہو چکا ہے۔
چیورہ ٹاپ پر ایک اور ٹی ڈی سی پی ریزورٹ کی تعمیر جلد مکمل ہونے جا رہی ہے۔
قدرتی حسن، سرسبز پہاڑوں اور دلکش وادیوں کے شاندار مناظر سے مالا مال چیورہ ٹاپ میں یہ ریزورٹ سیاحوں کے لیے ایک پُرکشش منزل ثابت ہوگا۔ منصوبے کی تکمیل سے علاقے میں سیاحتی سرگرمیوں کو فروغ ملے گا اور کوٹلی ستیاں کے سیاحتی امکانات کو مزید اجاگر کرنے میں مدد ملے گی۔
