ملتان (پنجاب پوسٹ) شجاع آباد میں میپکو آفیسر کی جانب سے مہمان لڑکی کو مبینہ طور پر جنسی زیادتی کا نشانہ بنانے کا واقعہ سامنے آگیا۔ پولیس کے مطابق مظہر نامی ملزم سکندرآباد سب ڈویژن میں لائن سپرنٹنڈنٹ تعینات ہے۔
پولیس کے مطابق ملزم نے لڑکی کو گھر چھوڑنے کا جھانسہ دے کر مبینہ طور پر ویران باغ میں لے گیا، جہاں کار میں اس کے ساتھ زیادتی کی۔ لڑکی کے شور شرابے پر اہل علاقہ موقع پر پہنچ گئے، جس پر ملزم فرار ہوگیا۔
یہ بھی پڑھیں: تھانہ ٹاون شپ خواتین کی ہلاکت کی حتمی رپورٹ سامنے آگئی، حیران کن انکشافات
پولیس نے واقعے کا مقدمہ درج کرکے قانونی کارروائی شروع کردی ہے، جبکہ عوام نے واقعے پر شدید تشویش کا اظہار کرتے ہوئے وزیراعلیٰ پنجاب سے فوری نوٹس لینے اور ملزم کے خلاف سخت کارروائی کا مطالبہ کیا ہے۔
